გინახავთ ეს ძალიან კარგი ფილმი?
მე დიდი ხნის წინ მქონდა დაწყებული, მაგრამ რაღაც შეუცნობელი მიზეზების გამო, ვერ ვაგრძელებდი და დღეს დავამთავრე.
არ ვიცი, რა მაგიის წყალობითაა, მაგრამ ძველი ფილმებისგან ის აურა მოდის, რომელიც არც ერთ თანამედროვე ფილმს აღარ შემორჩა. მითუმეტეს, როცა საუბარი გვაქვს იტალიურ კინოზე და მითუმეტეს, ფედერიკო ფელინიზე.
ეს ფილმი არის 50-იანი წლების მიწურულის იტალიურ ცხოვრებაზე. ჟურნალისტი მარჩელო (მარჩელო მასტროიანი) ამ ბობოქარ ცხოვრებაში აქტიურადაა ჩართული. თითქოს ეს ყველასათვის საოცნებო ცხოვრებაა - ხმაურიანი საღამოები, ბრჭყვიალა ტანსაცმელი, მშვენიერი ქალები.. მაგრამ რაღაც მომენტში, როცა ვუყურებდი ერთ ძველისძველ სასახლეში გამართულ წვეულების ეპიზოდს, ვიგრძენი რომ ეს იყო ჯოჯოხეთი დედამიწაზე და სხვა არაფერი, სადაც ყველა ადამიანი მარტოსულია.
კინომცოდნე არ ვარ, ამიტომ არც ფილმების პროფესიული თვალით შეფასება შემიძლია. მხოლოდ შემიძლია ვთქვა, რომ ეს ერთ-ერთი სრულყოფილი ფილმია კინემატოგრაფიაში. ისეთ მშვენიერი მსახიობებით, როგორებიც არიან ანუკ ემე, ანიტა ეკბერგი და მაგალი ნოელი (ამ უკანასკნელზე დიდხანს ვფიქრობდი, მომწონდა თუ არა, საბოლოოდ კი მივხვდი, რომ მომაჯადოვებელი ქალია). და რა თქმა უნდა, საოცრად მიმზიდველი მარჩელო მასტროიანი.
ბედნიერ შაბათ-კვირას გისურვებთ და ამ ძალიან ლამაზ ცეკვის ეპიზოდს გიტოვებთ ფილმიდან :)
იტალიური პოსტნეორეალიზმი! <3 ნეორეალიზმის პერიოდიც არანაკლებად!!!!
ReplyDeleteანიტა რომ ფანტანში ცეკვავს ... რასკოშნაია ჟენშინაო ამაზე იტყვიან, არა? :))) "ტოსკანის მზის ქვეშ" ამ ფილმში იმეორებს ერთი პერსონაჟი ანიტას ცეკვას, ოღონდ ძალიან მთვრალია :))) გახსოვს ?
ამ ფილმიდან გავიგე ვია ვენეტოს შესახებ და ერთხელ ვიყავი კიდეც ამ ქუჩაზე, მხოლოდ გავიარე, თორემ ჩემი ბიუჯეტით იქ სხვას ვერაფერს ვიზამდი :)))))))) ოღონდ ის გავლაც მეყო.
http://www.youtube.com/watch?v=1Xs5kbd6gtE აქ რა საყვარლად ამბობს ფედერიკო, ჯულიეტა, პლიზ, სტოპ კრაინგ! :)))
ბუნდოვნად მახსოვს ეგ ეპიზოდი სამწუხაროდ :/ თუმცა ანიტა საოცარი ქალია მართლა, ხომ ქერაა და თითქოს ცივი სილამაზე უნდა ჰქონდეს, მაგრამ ძალიან შარმიანი და ეშხიანია : )
Deleteფელინიზე გული ამიჩუყდა <3