The Cosmos Bed

   დიზაინერმა ნატალია რუმიანცევამ მომავლის, უფრო სწორედ კი, კოსმოსური საწოლი შექმნა.

  საწოლს აქვს აუდიო სისტემა, რომლის საშუალებითაც ძილის წინ დამამშვიდებელ მუსიკას ჩაგირთავთ, დილით კი მაღვიძარის ფუნქციაც შეუძლია შეასრულოს.

 "ჭერში" დამონტაჟებული სანათები კი ვარსკვლავიანი ცის იმიტაციას ქმნის (და ამის გამოა ყველაზე საინტერესო).

  მოგწონთ ეს საწოლი? მე მგონია, რომ თავს არც თუ ისე კომფორტულად ვიგრძნობდი მასში. შეიძლება, ამ საკითხში ძველმოდური ვარ, მაგრამ ჩვეულებრივი, ძველებური საწოლი მირჩევნია.

წყარო: My Modern Met

Inspiration: Scandinavian Houses

  ინტერიერის დიზაინი ჩემი მრავალფეროვანი (დიახ!) ინტერესებიდან ერთ-ერთს წარმოადგენს. ამ სიტყვების ჩემეული გაგებით; რაც იმას გულისხმობს, რომ ხშირად ვათვალიერებ ბლოგებს სახლების დიზაინის შესახებ და ამ ეტაპისთვის უკვე შემიძლია ძალიან ადვილად ამოვიცნო სკანდინავიური ბინები :)

 
    ამ ცივი ქვეყნების ინტერიერისთვის დამახასიათებელია დიდი სივრცე და ფანჯრები,  თეთრი ფონი და ავეჯით ნაკლებად დატვირთული ოთახები. ეს ყველაფერი  კი ერთად საოცარ სიმყუდროვეს ქმნის.

ბეტმენის ნიღაბმა მომნუსხა :)

      ალბათ ასეთ სახლებში ცხოვრობენ ქერათმიანი ბავშვები, მაგალითად, კარლი და პეტერი, რომლებიც თამაშით დაღლილები შეცვივდებიან სამზარეულოში, სადაც დედა მათთვის შემწვარ გუფთებს ამზადებს.

    უარს არ ვიტყოდი ასე მოწყობილიბინაზე თბილისში, თუმცა აუცილებლად დავუმატებდი ფარდებს :) 


Photos: 1 2 3 4 5 6 7 8 9 10