ბათუმი რამ შეგაყვარაო, რომ მკითხოთ, დაუფიქრებლად გიპასუხებთ რომ - ბიაფმა. კინოფესტივალმა, რომელსაც ბოლოს 2013 წელს დავესწარი.
მას შემდეგ იქ წასვლას ყოველ წელს ვგეგმავდი, მაგრამ უშედეგოდ. თუმცა ეს სულ სხვა ამბავია, ახლა წლევანდელ ბიაფზე უნდა მოგიყვეთ.
წლევანდელი, მე-12 ბათუმის კინოფესტივალი, 17-25 სექტემბერს გაიმართება. საკონკურსო ფილმების სიაში 10 ფილმია წარმოდგენილი. ის ფილმები, რომლებმაც განსაკუთრებით დამაინტერესა, გავამუქე და გვერდით კომენტარები მივუწერე:
1. პატიოსანი კაცი, მოჰამად რასულოფ, ირანი. [ტრეილერი]
2. ჩიტები მღერიან კიგალიში, იოანა კრაუზე, ქშიშტფ კრაუზე, პოლონეთი. [ტრეილერი]
3. Claire Obscure, იეშიმ უსტაოღლუ, თურქეთი/პოლონეთი/საფრანგეთი. [ტრეილერი]
4. დედე, მარიამ ხაჭვანი, საქართველო/კატარი - ქართული ფილმი სვანეთსა და იქაურ ტრადიციებზე. სავარაუდოდ, მძიმე სანახავი იქნება. [ტრეილერი]
5. ნაზი არსება, სერგეი ლოზნიცა, უკრაინა/გერმანია/ჰოლანდია/რუსეთი/ლიტვა - ქალი ქმრის სანახავად მიდის ციხეში, მაგრამ ვერ პოულობს. [ტრეილერი]
6. როგორ წაიყვანა ვიქტორ „ნიორმა“ ალექსეი მოხუცებულთა თავშესაფარში, ალექსანდრე ჰანტი, რუსეთი - ტრეილერმა Everything is illuminated მომაგონა, ფერებიც ლამაზია და რუსული კინოს ესთეტიკა ეტყობა. [ტრეილერი]
7. იუპიტერის მთვარე, კორნელ მუნდრუზო, უნგრეთი/გერმანია - ერთ-ერთ მთავარ როლს მერაბ ნინიძე თამაშობს. თან საიფაია, ასე რომ, I'm in. [ტრეილერი]
8. მეტი, ონურ საილაკ, თურქეთი. [ტრეილერი]
9. წვეულება, სალი პოტტერ, დიდი ბრიტანეთი - ბრიტანული კინო, კარგი მსახიობებით. [ტრეილერი]
10. აფრენა, მაჰეშ ნარაიანი, ირანი. [ტრეილერი]
ასევე ფესტივალზე ნაჩვენები იქნება ანდრეი ზვიაგინცევის გახმაურებული ფილმი "უსიყვარულო". ჯერ არ მინახავს, ფესტივალს დაველოდები.
ჩვენებები კინოთეატრ "აპოლოში", სასტუმრო “Wyndham” საკონფერენციო დარბაზში და ერას მოედანზე, ღია ცისქვეშ გაიმართება, ფესტივალზე დასწრება წელსაც უფასოა. "აპოლოში" მხოლოდ უფასო ბილეთის აღება მოგიწევთ, რომელიც ადგილების კონტროლისათვის არის საჭირო.
წავიდეთ ბათუმში!
No comments:
Post a Comment