ხელი აწიეთ ვის გიყვარდათ ბავშვობაში ფილმი "მუმია"? (მე, მე!)
პირველად ბავშობაში, ტელევიზორში ვნახე და მას შემდეგ გამიტაცა. ვიდეოკასეტა ვიყიდე და გამუდმებით ვუყურებდი. შემეძლო ყოველდღე მენახა, ისე, რომ არ მომებზრებოდა.
ვოცნებობდი, ო'კონელთან, ივისა და ჯონათანთან ერთად მეც გადამხდენოდა თავგადასავლები. თუმცა, სამ მთავარ გმირთან ერთად, გამორჩეულად საყვარელი პერსონაჟი მაინც არდეთ ბეი იყო. მეორე ნაწილიც თითქმის იგივენაირად მიყვარს, აი მესამე კი წესიერად ნანახიც არ მაქვს. რეიჩელ ვაიზის გარეშე ეს ფილმი ვერ წარმომიდგენია.
დღეს ფილმი ამ სახალისო სტატიამ გამახსენა. თუ თქვენც გიყვართ მუმია, წაიკითხეთ.
* * *
წუხელ დავასრულე სტრუგაცკების პიკნიკი გზის პირას კითხვა.
შესანიშნავია. ერთ-ერთი იმ წიგნთაგანია, რომლის განწყობაც წიგნის დახურვის შემდეგაც მოგყვება. დილით რომ გავიღვიძე, ჯერ კიდევ მქონდა შემორჩენილი.
* * *
როგორ გადაიღებდა სპაგეტის მომზადების პროცესს ტარანტინო? თუ უფრო ვეს ანდერსონის ესთეტიკა გაინტერესებთ?
როგორ იქნებოდა საჭმლის მომზადების ვიდეოები ამ და კიდევ სხვა რეჟისორების თვალით, შეგიძლიათ ნახოთ აქ.
საინტერესო შაბათ-კვირას გისურვებთ!
No comments:
Post a Comment