დღეს ბათუმის კინოფესტივალის პეიჯზე ბლოგერებისთვის საკონკურსო ფორმა განთავსდა. ამ ლინკზე თუ გადახვალთ, ყველა ბლოგერს შეგიძლიათ შეავსოთ და დაელოდოთ სექტემბერს.
 |
| შარშანდელი ბიაფის სტენდი |
ძალიან კარგი შესაძლებლობაა, მიიღოთ ახალი გამოცდილება, ნახოთ საინტერესო ფილმები, გაიცნოთ ამ ფილმების რეჟისორები (ყველა არა, რა თქმა უნდა, ყოველწლიურად ერთი მათგანი მაინც ჩამოყავთ ორგანიზატორებს), ისიამოვნოთ სექტემბრის ბათუმით (რომელიც ამ პერიოდში ყველაზე ლამაზია), გაიცნოთ ახალი ადამიანები და ყოველი დღე დატვირთული გქონდეთ ათასი სასიამოვნო საქმიანობით.
მათთვის, ვისაც არ სმენია ამ ღონისძიების შესახებ, ორიოდე სიტყვით გეტყვით, რომ ბათუმის კინოფესტივალი ყოველწლიურად, სექტემბერში იმართება, სადაც წარმოდგენილია შემდეგი კონკურსები:
- საერთაშორისო მხატვრული ფილმების კონკურსი
- დოკუმენტური ფილმების საერთაშორისო კონკურსი
- მოკლემეტრაჟიანი ფილმების საერთაშორისო კონკურსი
ასევე იმართება ვორკშოპები, მასტერკლასები და შეხვედრები კონკურსში მონაწილე ფილმების რეჟისორებთან.
ვისაც ბლოგი არ გაქვთ, ასევე გირჩევთ, რომ ფესტივალზე წახვიდეთ. წინა წლებში დასწრება უფასო იყო, უბრალოდ წინასწარ ჩაწერაა საჭირო და საშუალება მოგეცემათ, ყველა სეანსს დაესწროთ. რაც უფრო ბევრი მაყურებელი იქნება, მით უფრო განვითარდება და გაიზრდება ფესტივალი.
ამიტომ, თუ გსურთ, საკუთარი კანის ფესტივალი გვქონდეს და უფრო დიდი მასშტაბები დაიპყროს ბათუმის კინოფესტივალმა, აუცილებლად გაეშურეთ 14-21 სექტემბერს ბათუმში და გაატარეთ ძალიან საინტერესო ერთი კვირა.
სიახლეებს შეგიძლიათ ფესტივალის ოფიციალურ გვერდზე მიადევნოთ თვალყური - BIAFF 2014, სადაც მოგვიანებით განთავსდება კონკურსში მონაწილე ფილმების სია და სხვა ღონისძიებები, რომლებიც ფესტივალის ფარგლებში გაიმართება.
გაიხარე :)
ReplyDeleteდავრეგისტრირდი.
შარშან გამომეპარა :)
წარმატებები ^_^
Delete